"Real" qapıçısı Tibo Kurtua ilə yaxın vaxtlarda yeni müqavilə imzalayacaq.
Publika.az xəbər verir ki, bu barədə "Relevo" məlumat yayıb.
Mənbənin sözlərinə görə, belçikalı futbolçunun yeni sözləşməsi 2028-ci ilin yayına kimi qüvvədə olacaq. Rəhbərlik 32 yaşlı qapıçı ilə bağlı klubun 30 yaşdan yuxarı futbolçularla müqaviləni bir mövsümlük uzatma qaydasını istisna edəcək.
Kurtua 2018-ci ilin avqust ayından "Real"da çıxış edir. Bu mövsüm o, bütün turnirlərdə 43 oyun keçirib, 48 qol buraxıb və 14 oyunda qapısını "toxunulmaz" saxlayıb. Onun Madrid klubu il' müqaviləsi 2026-cı ilin yayında başa çatır.
