Yəməndə İranın dəstəklədiyi husilərə məxsus Əl-Məsirə telekanalının məlumatına görə, ABŞ döyüş təyyarələri paytaxt Sənanın Nukm dağının şərqindəki Berraş bölgəsinə 4, Amranın Harf Süfyan bölgəsinə isə 3 hava hücumu həyata keçirib.
Turkustan.az xəbər verir ki, hücum nəticəsində ölən və ya yaralananların olub-olmadığı barədə məlumat verilməyib.
Yəməndə İranın dəstəklədiyi husilərə məxsus Əl-Məsirə telekanalının məlumatına görə, ABŞ döyüş təyyarələrinin paytaxt Sənanın Beni Haris rayonunun Sukban bölgəsinə təşkil etdiyi hücumda ölənlərin sayı 12 nəfərə çatıb.
ABŞ-ın bazar günü sözügedən bölgədə 3 evi hədəfə aldığı hücumda aralarında qadın və uşaqların da olduğu 8 nəfərin öldüyü, çox sayda insanın isə yaralandığı bildirilib.
Aytən Yaşar/ Turkustan.az
