Ajans.az xəbər verir ki, səbəb mühüm məlumatların sızmasından sonra məmurların poliqrafiya testləri olub. Bu barədə Washington Post qəzeti keçmiş və indiki məmurlara istinadən yazır. Nəşrin həmsöhbətləri baş verənləri “cadugər ovu” ilə müqayisə edərək, mövcud vəziyyəti “toksik” adlandırırlar. Keçmiş və indiki məmurların fikrincə, milli təhlükəsizlik strukturlarında əhval-ruhiyyə çox gərgindir. İşçiləri xüsusi narahat edən məsələ ABŞ prezident administrasiyasının təkcə gizli məlumatların mümkün sızması ilə bağlı deyil, həm də departamentlərin işi ilə bağlı hər hansı neqativ məlumatın mediaya ötürülməsi hallarının araşdırılması ilə məşğul olan geniş yanaşmasıdır. Qeyd olunur ki, bu nəzarət üsulu qeyri-sağlam iş mühiti yaradır və buna görə də xüsusi xidmət orqanlarının əməliyyat fəaliyyətinə mənfi təsir göstərə bilər. Nəşr hazırkı məmurlardan birinin sözlərini sitat gətirir: "Bu, zəhərli bir mühitdir... İlk növbədə, işdən qovulub-qovulmayacağınızı bilməmək qeyri-müəyyənlikdir". Bundan əvvəl ABŞ prezidenti Donald Trampın bəzi yüksək rütbəli FTB məmurlarının istefa verməsi və ya təqaüdə çıxması ilə bağlı tələbləri bəzilərini hiddətləndirmişdi.
