Xəbər verdiyimiz kimi, İran İslam Respublikasının Prezidenti Məsud Pezeşkian aprelin 28-də Azərbaycan Respublikasına rəsmi səfərə gəlib. İran Prezidentinin Azərbaycana səfərində 120 nəfərdən ibarət heyətdə özəl sektorun nümayəndələri, İran və Azərbaycan parlamentlərarası dostluq qrupunun nümayəndələri və İranın şimal-qərbində yerləşən 4 vilayətin valisi yer alıb.
"Unikal" xəbər verir ki, Azərbaycan Prezidenti İlham Əliyev İran Prezidenti Məsud Pezeşkianı qarşılayıb. Hər iki lideri birgə foto çəkdirib.
Maraqlısı budur ki, çəkiliş zamanı İran liderinin arxasında dayanan şəxs diqqət çəkib. Məlumata görə, sözügedən şəxs İran Ordu qarovulunun zabitidir. Pezeşkianın bütün xarici və yerli səfərlərinə diqqət yetirsək zabitin İran liderinin arxasıyca gəldiyini görmək mümkündür.
Gülayə Mecid
