Şirvan şəhərində kəsilmiş ağacların yerində müxtəlif obyektlərin inşa olunması adi hal alıb...
AzFakt.com xəbər verir ki, sosial şəbəkələrdə yayılan məlumatlara görə Şirvan şəhəri Naxçıvan küçəsində yaşıllıqların gizli şəkildə məhv edilib. Belə ki, Heydər Əliyev prospekti ilə Naxçıvan küçəsinin kəsişməsindən və Naxçıvan küçəsi ilə irəli gedərkən yolun sağ kənarında ağaclar kəsildiyini, kəsilmiş ağacların kötükləri üzərində isə betonlanma işləri aparılıb.
Məlumata görə ağacların kəsilməsini Şirvan şəhər icra başçısının müavini Orxan İbrahimovun atası Əhmədağa İbrahimovun adamları tərəfindən həyata keçirilib. Çünki kəsilmiş ağacların yerində salınan beton yol Şirvan şəhər icra başçısının müavini Orxan İbrahimovun atası Əhmədağa İbrahimovun obyektinə gedir.
Bildirilir ki, Şirvan şəhərinin mərkəzində çoxlu sayda ağacın bir gecədə yoxa çıxmasından icra başçısı İlqar Abbasovun xəbərsiz olması mümkün deyil.
Qeyd edək ki, icra başçının müavinin Orxan İbrahimovun atası Əhmədağa İbrahimov Baş Şirvan Kollektorunun istismarı idarəsinin rəisi vəzifəsində işləyir. Əhmədağa İbrahimovun Şirvan və Sabirabad rayonlarında xeyli sayda obyektlərinin olması barədə mətbuatda dəfələrlə məlumatlar dərc olunub.
Yazıda adı keçən şəxslərin mövqeyini dərc etməyə hazırıq.
Poliqon.info
