Şimali Koreya lideri Kim Çen In KXDR hərbçilərinin Kursk bölgəsinin azad edilməsi əməliyyatında iştirakını dəyərləndirib.
Publika.az xəbər verir ki, Kim bunu Rusiya ilə dostluğun möhkəmləndirilməsi istiqamətində “müqəddəs missiya” adlandırıb. Kim Çen In bildirib ki, KXDR hərbçiləri ədalət uğrunda mübarizə aparıblar və qəhrəmandırlar.
Siyasətçi həmçinin böyük qələbə qazanan Rusiya ordusuna və xalqına “isti hərbi salamlar” çatdırıb.
Kim Çen In bildirib ki, Pxenyanda Kurskda döyüşən KXDR əsgərlərinə abidə ucaldılacaq.
