Ağ Ev administrasiyası dövlət qulluqçularının işini prezidentin qanunlarını və siyasətlərini sədaqətlə yerinə yetirmələri əsasında qiymətləndirməyi planlaşdırır.
“Report” xəbər verir ki, bu barədə “The Wall Street Journal” ABŞ-ın federal hökumət üçün kadr siyasətini müəyyən edən Personal İdarəetmə İdarəsinin rəsmi sənədlərinə istinadən yazıb.
Sadiqliyin qiymətləndirilməsi insanları işdən çıxarmaq və ya işə götürmək barədə qərar vermək üçün əsas olmalıdır. Yeni maliyyə ilinin əvvəlindən - yəni oktyabrın 1-dən idarələrin yeni sistemə keçməsi planlaşdırılır.
Bundan əlavə, Personal İdarəetmə İdarəsi artıq federal agentliklərin yaratmaq istədiyi bütün yeni vəzifələri təsdiqləməyə başlayıb. Əvvəllər şöbələr bu cür qərarları müstəqil qəbul edə bilirdilər.
