Vəfa: “Şəbnəm ağlayanda mübarizəm bitdi” - VİDEO

Müğənni Vəfa Şərifova qalmaqal yaşadığı Şəbnəm Tovuzlu ilə barışmasından danışıb.

Bizim.Media xəbər verir ki, bu barədə o, “Qonaqcanlı”da açıqlama verib.

Vəfa deyib ki, Şəbnəm ağladığı üçün hər şeyi bitirib: “Mənim davam ağlayan-sızıldayan insanla olmamışdı. Mənim mübarizə apardığım insan qol gücünü və gücünü göstərən bir insan idi. Mən bu sənətə yeni başlamışdım, dostlarım yox idi, populyarlığım, ətrafım yox idi.

O gücsüz halımla güclü bir insanla mübarizə aparırdım. Verilişində ağlamağından sonra mübarizəm bitdi. Rəfiqəmizin mağazasına gəldi, danışdıq, qaranlıq qalan, bir-birimizdə qıcıq yaradan məsələləri danışdıq, bağladıq.

Nələrdən ki, qıcıqlanırdıq, çıxıb danışırdıq, bunları sonlandırdıq. Yeni bir hadisə olmayana qədər bitdi”.


Sara, Bizim.Media