Avropa ölkələri liderləri ilə görüşündən sonra Ukrayna prezidenti Vladimir Zelenski mayın 12-dən başlayaraq ən azı 30 gün ərzində tam və qeyd-şərtsiz atəşkəslə razılaşdığını təsdiqləyib.
“Biz bunu Rusiyadan birlikdə tələb edirik. Bilirik ki, ABŞ-da bizə dəstək verilir. Qeyd-şərtsiz atəşkəs heç bir şərtin olmaması deməkdir”.
Zelenski əlavə edib ki, ABŞ-la birlikdə atəşkəs rejiminin monitorinqi təmin oluna bilər. O vurğulayıb ki, Rusiya tam və qeyd-şərtsiz atəşkəslə razılaşmasa, Moskvaya qarşı daha sərt sanksiyalar tətbiq edilməlidir.
ABŞ prezidentinin xüsusi nümayəndəsi Keyt Kelloq yazıb ki, 30 günlük atəşkəs Rusiyanın Ukraynaya qarşı müharibəsinin dayandırılması prosesinin başlanğıcı ola bilər.
AzPost.az
